ड्रॅगन फ्रुट (Dragon Fruit) लागवड अनुदान योजना

ड्रॅगन फ्रुट (Dragon Fruit) लागवड अनुदान योजना

योजनेचे नाव : एकात्मिक फलोत्पादन विकास अभियान अंतर्गत फळबाग लागवड

# ड्रैगन फ्रुट लागवड #

ड्रैगन फ्रुट (Dragon Fruit) हे एक निवडुंग जातीचे फळ आहे यातील पोषकतत्व व अँटीऑक्सीडंट मुळे या फळास सुपरफ्रुट म्हणुन देखील ओळखले जाते. या फळात विविध औषधी गुण तसेच फॉस्फरस व कैल्शीयम यासारखे मिनरल्स अधिक प्रमाणात आढळतात. कमी पाण्यात अथवा पाण्याची टंचाई निर्माण झाली तरी ही झाडे टिकून राहतात. या पिकामध्ये किड रोगाचा प्रादुर्भाव खूपच कमी असुन पिक संरक्षणावर जास्त खर्च येत नाही. एकात्मिक फलोत्पादन विकास अभियान अंतर्गत या फळबागाची लागवड करण्यास 2021-22 पासून प्रोत्साहनपर अनुदान देण्यात येत आहे.

 

अर्ज कसा व कुठे करावा :-

 महाडीबीटी वर ऑनलाईन अर्ज करावा.

 

लाभार्थी पात्रता : –

अर्जदाराकडे स्वत:च्या मालकीची किमान 0.20 आर (अर्धा एकर) जमीन असणे आवश्यक आहे.

 

अनुदान किती व कधी मिळते:

प्रकल्प खर्चाच्या 40 टक्के कमाल रु.1.60 लाख इतके अनुदान प्रती हेक्टर मिळते.

आणि हे अनुदान मंडळ कृषी अधिकारी यांनी मोका तपासणी केल्यानंतर तीन टप्प्यात मिळते.

पहिल्या वर्षी 60 टक्के, दुसरे वर्षी 20 टक्के आणि तिसऱ्या वर्षी 20 टक्के असे अनुदान मिळते.

अनुदान मिळण्यासाठी दुसऱ्या वर्षी किमान 75 टक्के आणि तिसऱ्या वर्षी पर्यंत  90 टक्के झाडे जिवंत ठेवणे आवश्यक आहे.

 

अनुदान कसे बाबींसाठी मिळते :

  • खड्डे खोदणे
  • आधाराकरीता कॉंक्रीट खांब उभारणे
  • खांबावर प्लेट लावणे
  • रोपे लागवड करणे
  • ठिबक सिंचन
  • खत व्यवस्थापन व पिकसंरक्षण

 

लागवड कधी करावी व किती अंतरावर करावी:

प्रथम महा DBT संकेतस्थळावर जाऊन शेतकर्याने रीतसर अर्ज करावा त्यानंतर विजेता निवड होऊन आपली निवड झाल्यानंतर कृषी सहाय्यक हे स्थळ पाहणी करतात. त्यानंतर तालुका कृषी अधिकारी यांनी पुर्वसंमती दिल्यानंतर एक महिन्याच्या आत  लागवड काम सुरु करावे.

सदर लागवड ही सलग क्षेत्रावर  करणे बंधनकारक आहे. लागवडीसाठी 0.60x 0.60 x 0.60 मी आकाराचे खडड़े खोद्णे आवश्यक आहे.

लागवडीसाठी सूक्ष्म सिंचन करण बंधनकारक आहे.

लागवड ही 4.5x 3 मी. किंवा 3.5x 3 मी. किंवा 3x 3 मी.या अंतरावर करावी.

लागवड 4.5 x 3 मी.अंतरावर केल्यास हेक्टरी 2960 रोपे, 3.5x 3 मी.अंतरावर केल्यास हेक्टरी 3808 रोपे आणी 3x 3 मी अंतरावर केल्यास हेक्टरी 4444 रोपे लागतात.

 

लागवडीसाठी रोपे खरेदी :

 

  • कृषी विभाग रोपवाटीका
  • कृषी विद्यापीठ रोपवाटीका
  • आयसीएआर संस्था, कृषी विज्ञान केंद्राच्या रोपवाटीका
  • महात्मा गांधी राष्ट्रीय ग्रामीण रोजगार हमी योजने अंतर्गत ग्रामपंचायतीच्या रोपवाटीका
  • सामाजीक वनीकरण किंवा अन्य शासकीय विभागांच्या रोपवाटीका

वरील ठिकाणी उपलब्ध नसल्यास नोंदणी कृत मान्यता प्राप्त खाजगी रोपवाटीकेतून घ्यावीत.

 

आवश्यक कागदपत्रे :-

  • 7/12 उतारा
  • सामायिक 7/12 असल्यास इतर खातेदारांचे संमतीपत्र
  • आधार संलग्न राष्ट्रीयी कृत बँक पासबुकच्या प्रथम पानाची झेरॉक्स
  • आधार कार्ड
  • जातीचा दाखला(लागू असल्यास)
  • विहित नमुन्यातील हमी पत्र

आम्ही दिलेली माहिती आवडल्यास नक्की कॉमेंट करून कळवा आणि आपल्या जवळील शेतकरी मित्रांना नक्की पाठवा त्यांना सुद्धा या योजनेचा नक्की फायदा होईल.

 

अशाच नवनवीन योजना व माहितीसाठी आमच्या किसान योजना  http://kisaanyojna.com संकेतस्थळाला एकदा अवश्य भेट द्या. व आपल्या शेतकरी बांधवानाही  शेयर करा.

WhatsApp
Facebook
Telegram

Similar Posts

Leave a Reply

Your email address will not be published. Required fields are marked *